நாவை சுவைக்கும் சிறுதுளி

சாலையில் சட சடவென
சன்னமாய் அதிகரிக்கும் சந்தம்,
கட்டியம் காட்டுது கனமழையின் வரவை !
அதற்குள் சிக்காமல் அலுவலகம் அடைந்திட,
ஆவலுற்று வலக்கை மிகைப்படுத்துது வேகத்தை .
நிலத்தரகு நிறுவனத்திடம் தப்பியதொரு தடாகத்திலிருந்து ,
வேற்றுலோகம் உய்ய உருமாறி ,
பாதையில் தோல்வியுற்றுபஞ்சு வேஷம் கட்டி ,
மனம் குளிர்ந்து மறுபிறப்பெடுத்து! -பறக்கும் பட்சிகள்,
திசைமாற்றும் காற்றிடம் லாவகமாய் தப்பித்து .
என் நாவை சுவைக்கும் சிறுதுளியின்,
பட்டும் படாத சுவை சுருக்குகிறது வேகத்தை !
முத்தம் ஒன்றோடு முடிந்துவிடுவதில்லையே .

2016 OCTOBER 6